Министрликтин сүрөтү
Жолугушуу учурунда министр кыргыз мектептериндеги билим берүү системасындагы маанилүү өзгөрүүлөрдү, окуу программаларын жаңылоо, эл аралык билим берүү мейкиндигине интеграциялоо жана жаңы демилгелерди киргизүү боюнча иш-аракеттерди белгиледи. Билим берүү боюнча жаңы стандарттар жана мыйзам актылары кабыл алынды, ал эми келечекте мугалимдердин кесиптик жөндөмдөрүн өнүктүрүүгө басым жасалат.
Элчи Дюфло ошондой эле 12 жылдык билим берүүгө өтүү балдардын келечегине узак мөөнөттүү инвестиция экенин белгиледи. Ал реформаларга карата белгилүү бир каршылык болушу табигый процесс экенин, бул чыныгы өзгөрүүлөрдүн белгиси экенин кошумчалады.
Мындан тышкары, элчи жумушчу топторду түзүүнүн эффективдүү кызматташуу ыкмасы экенин белгилеп, Европалык Союздун Кыргызстандагы билим берүү реформаларын Twinning программасы аркылуу колдоону улантууга даяр экенин билдирди.
Тараптар ошондой эле «Кыргыз Республикасындагы билим берүү секторунда реформаны жүргүзүү боюнча контракт» долбоорун ишке ашырууну талкуулашты.
Жолугушуунун жыйынтыгында чет тилдер боюнча окуу куралдарын иштеп чыгуу үчүн биргелешкен жумушчу топ түзүү чечими кабыл алынды. Иш-чаранын катышуучулары диалогду улантууга жана учурдагы долбоорлор аяктагандан кийин жаңы идеяларды карап чыгууга макулдашышты.
