Надырбеков жабылуулар китепканалардын натыйжасыздыгы, имараттардын начар абалы жана чечим кабыл алынган учурда фактически иштебей тургандыгы менен байланыштуу экенин түшүндүрдү. Бул өзгөрүүлөрдөн кийин өлкөдөгү китепканалардын жалпы саны 846га кыскарды, ал эми кызматкерлердин саны 3 455 адамды түзөт.
Ошондой эле вице-министр кээ бир китепканаларда санариптештирүү жүргүзүлгөнүн белгиледи. Атап айтканда, электрондук форматтагы ресурстарга кирүү мүмкүнчүлүгүн камсыз кылган Улуттук электрондук китепкана NEB.KG порталы ишке киргизилди.
Мындан тышкары, ал регионалдык сайттарды түзүү башталганын билдирди. Биринчи этапта narynlib.kg ресурсу ишке киргизилди, ошондой эле ар бир китепкана үчүн электрондук каталогдорду түзүү башталды. Онлайн-отчеттуулук жана Google-формалар киргизилди, бул китепканаларды башкаруу процессин кыйла жеңилдетет», - деп кошумчалады ал.
