Керималиев Тору-Айгыр айылында жаңы суу камсыздоо системасын түзүү боюнча иштер аяктаганын белгиледи.
«Учурда 120 айылда курулуш иштеринин жүрүп жатканын айтып өтүү керек. 229 айыл үчүн долбоордук-сметалык документация иштелип жатат, алардын 27сине тендерлер жарыяланды, ал эми 177 айыл үчүн техникалык-экономикалык негиздеме даярдалып жатат. Жылдын аягына чейин 70 айылда жана 3 шаарда курулуш иштерин аяктоо пландалууда, бул 200 миң адамды таза суу менен камсыз кылат», — деп кошумчалады ал.
2021-жылдан бери калкты ичүүчү суу менен камсыздоо тармагына 560 миллион доллардан ашык каражат жумшалды, анын ичинен 55 миллион доллардан ашыгы мамлекеттик бюджеттен бөлүнгөн.
«Бул инвестициялардын аркасында 2020-2025-жылдар аралыгында 25 шаарда жана 601 айылда калкты ичүүчү суу менен камсыздоо боюнча иштер жүргүзүлдү. 194 айылда суу камсыздоо системалары эксплуатацияга берилди», — деп тактады чиновник.
Өткөн жылы 40 айыл, же 75 миң адам бюджеттин эсебинен, Минводсельпромдун ичүүчү суу камсыздоо жана суу агызуу департаменти аркылуу таза сууга жеткиликтүү болушту. Бул багытта донорлордун колдоосу менен иштер улантылууда», — деп сөзүн жыйынтыктады Жаныбек Керималиев.
