Закон долбоорунун максаты — адамдардын жана жаныбарлардын ден соолугун жакшыртуу, ошондой эле айлана-чөйрөнү коргоо
Бүгүн Жогорку Кенештин жыйынында «Бирдиктүү ден соолук» долбоорунун финансылык келишимин жана гранттык келишимин ратификациялоо жөнүндө мыйзам долбоору талкууланды, ал үчүнчү окууда кабыл алынды.
Депутаттар анын кабыл алынышын колдошту.
Бул мыйзам долбоорунун негизги максаты — калктын жана жаныбарлардын ден соолугун чыңдоо, ошондой эле өлкөдөгү экологиялык абалды жакшыртуу.
Долбоор зооноздук инфекциялар менен күрөшүүгө, антимикробдук препараттарга туруктуулукту алдын алууга жана тамак-аштын коопсуздугун камсыздоого багытталган.
Келишимдерге ылайык, «Бирдиктүү ден соолук» долбоорунун биринчи этабын ишке ашыруу үчүн Кыргыз Республикасына 30 миллион доллар кредит жана 1,79 миллион доллар грант түрүндө бөлүнөт.
Кредит 50 жылдык мөөнөткө 10 жылдык жеңилдик мезгили менен жана нөл пайыздык үстөк менен берилет.
