Мамлекетте кылмыштардын жалпы саны 5,2%га төмөндөгөнү байкалууда
Жогорку Кенештин жыйынында Башкы прокурор Максат Асаналиев Кыргызстандагы кылмыштуулук боюнча өткөн жылдын отчетун сунуштады.
Анын айтымында, 2024-жылы өлкө аймагында 34 миң 467 кылмыш катталган, бул өткөн жылга салыштырмалуу 5,2%га аз.
Жалпы кылмыштардын ичинен 29 миң 168и кичине жана орто оорлук категориясына, 4 миң 197си оор кылмыштарга, ал эми 1 миң 102си өзгөчө оор кылмыштарга кирет.
Эң көп таралган кылмыштар жеке менчикке каршы болгон, алардын саны 23 миң 572 учурду түзүп, жалпы санынын 68,4%ын түзөт. Жеке адамга каршы кылмыштар 3 миң 830 учурду (11,1%) түзгөн.
Жалпысынан 22 миң 340 адам кылмыштарды жасоого катыштыгы бар деп таанылган. Алардын ичинен 12 миң 851 адам кылмыш жоопкерчилигине тартылган, ал эми 9 миң 480 иш боюнча кылмыш куугунтугу токтотулган.
Айыпталгандардын арасында 2 миң 801 аял, 1 миң 814 бала жана 412 чет элдик жаран бар», - деп белгиледи Башкы прокурор.
сүрөт www
