14-январда Венгриядагы Кыргызстан элчилигинде Алыкула Осмоновдун венгер тилиндеги ырлар жыйнагынын биринчи экземплярларынын презентациясы өттү. Бул иш-чара белгилүү кыргыз акынынын туулганына 110 жыл толушуна арналган.
Кыргызстандын Тышкы иштер министрлигинин маалыматына ылайык, бул адабий долбоор венгриялык түрколог Шомфаи Кара Давид тарабынан башталган. Ал Кыргызстан элчилигинин колдоосу менен ишке ашырылып, кыргыз классикалык поэзиясын популяризациялоого жана эки өлкө ортосундагы маданий байланыштарды бекемдөөгө багытталган.
Жыйнакта Алыкула Осмоновдун философиялык тереңдигин, гуманисттик идеяларын жана кыргыз элдин улуттук иденттүүлүгүн көрсөтүүчү эң маанилүү чыгармаларынын котормолору камтылган.
Долбоордун ийгиликтүү ишке ашуусунда негизги демөөрчү, белгилүү юрист жана меценат Ф. Папчактын маанилүү ролу болгонун белгилөө керек.
