Жаңы эрежелерге ылайык, конкурс комиссиясынын жыйыны азыркы учурда зарылчылыкка жараша өткөрүлөт, ал эми мурда алар жылына кеминде бир жолу өткөрүлчү. Мындан тышкары, тандоо үчүн минималдуу талапкерлердин саны 30дан 20га кыскартылды.
Конкурс комиссиясынын курамы да такталды. Ага президенттин администрациясынын өкүлдөрү, ошондой эле мамлекеттик жана муниципалдык кызмат, тышкы саясат, юстиция, финансылык маселелер жана улуттук коопсуздук менен алектенген ыйгарым укуктуу органдардын өкүлдөрү кирет.
Ошондой эле, бир эле талапкердин ЕЭКтин департаментинин директору же директордун орун басары кызматтарына квалификациялык тандоодо катышуусуна чектөө киргизилди — подряд эки жолу гана катыша алат. Документте комиссия мүчөлөрүнүн жыйында жоктугу үчүн негиздер такталып, видеоконференцбайланыш аркылуу жолугушууларды жана интервьюларды өткөрүү мүмкүнчүлүгү каралган.
Конкурс комиссиясынын чечим кабыл алуу тартиби, компьютердик тестирлөө алгоритмдери, ошондой эле тандоонун жыйынтыгы боюнча эч кандай талапкер керектүү баллды ала албаган учурдагы аракеттер өзгөртүлдү.
Жаңы эрежелер жарыяланган күндөн тартып он күндөн кийин күчүнө кирет.
