Узген райондук мамлекеттик администрациясынын маалыматы боюнча, бул иш-чара көптөгөн катышуучуларды чогултту.
Ярмаркада райондун акими Каныбек Апбасов катышып, фермерлер үчүн мындай иш-чаралардын маанилүүлүгүн белгиледи. Алар жаңы технологиялар менен таанышып, тажрыйба алмашып, бизнес байланыштарды орнотууга мүмкүнчүлүк алышат.
Ярмарканын негизги максаты фермерлердин квалификациясын жогорулатуу, заманбап сугаруу методдору менен таанышуу жана жеткиликтүү финансылык продуктулар жөнүндө маалымат берүү.
Иш-чаранын жүрүшүндө катышуучулар айыл чарба продукциясын өндүрүүчүлөр, финансылык мекемелер жана консультанттар менен тажрыйба алмашуу үчүн шарттарга ээ болушту. Ошондой эле айыл чарба продукциясын жана жабдууларды сатып алууга мүмкүнчүлүк берген көргөзмө жайы уюштурулду.
