Бул тууралуу мэриянын басма сөз кызматынан билдиришти.
Маалыматка ылайык, шаар башчысы бекеттин аймагындагы курулуш объектилерин карап чыгып, жүргүзүлүп жаткан иштер менен таанышып, курулуштун сапатына өзгөчө көңүл бурууну белгиледи. Ошондой эле ал жооптуу адистерге коопсуздук талаптарын так сактоону жана оңдоо иштерин белгиленген мөөнөттө аяктоону тапшырды.
Мэр: «Бул жерде эмне болуп жатат? Ички жагынан баарын алып таштадыңарбы?»
МП «Ошгорводоканал» жетекчиси Талант Байкишиев: «Баарын алып чыктык».
Мэр: «Кайра келгенде — көрсөтөсүң».
Талант Байкишиев: «Ооба».
Мэр: «Эми… бул бүттү, туурабы?»
Талант Байкишиев: «Фасад жана алды жагы бүттү, бул тарап дагы даяр».
Мэр: «Жогорку жагына эмне кыласыңар?»
Талант Байкишиев: «Чатырына 5 см калыңдыкта «стояшка» куюп, андан кийин «суюк айнек» менен аралаштырып, рубероид каптоо (гидроизоляция) жасайбыз».
Мэр: «Эми бул жакшы көрүнөт. Эми оңдоп-түзөө болуп жаткандай... 40 жыл бою баары чирип, бузулуп жатты…»
Талант Байкишиев: «50 жыл».
Мэр: «50 жыл бою — бир жолу да так каралган жок. Эми жогору жактан суу өтпөшү керек, түшүндүңбү?»
Талант Байкишиев: «Ооба».
Мэр: «Бардыгы канча бригада иштеп жатат?»
Талант Байкишиев: «Фасадда жалпысынан 5 бригада иштеп жатат».
Мэр: «Бул дарактарды кыскартып коюшуңар керек. Жашылдандыруу кызматы менен сүйлөш — келишип, кыскартып беришсин».
Талант Байкишиев: «Жакшы».
- «Озгур» суу тазалоо бекети Ош шаарынын 80% калкын ичүүчү суу менен камсыздайт. Ошондой эле бекет ишке киргизилгенден бери ири оңдоо иштерин жүргүзгөн эмес.
