Асылай 2001-жылы Нарын облусунун Ат-Баши районунда жарык дүйнөгө келген жана азыр Кызыл-Туу айылында жашап, үй чарбасын жүргүзөт.
«18 жашымда турмушка чыктым. Биз келечектеги күйөөм менен жакындарыбыздын тойунда тааныштык, ал жакта ал күйөө бала, мен болсо кыз бала болчумун. Кейинчерээк социалдык тармактарда катташып баштадык, анткени биз бир айылда жашайбыз. Ал башында мага сүйүүсүн айткан жок, бирок менин ата-энемдин ишенимин жеңип алды», — деди ал.
Тейюб Юнус кыргыз тилин жакшы сүйлөйт.
«Ал кыргызча менден да жакшы сүйлөйт. Мен кээде түшүнбөгөн сөздөрдү сурайм. Менин күйөөм Бакудан болсо да, кыргыз айылында чоңойгондуктан, жергиликтүү маданиятка тааныш. Мен турмушка чыккандан кийин адаптацияланышым кыйын болгон жок. Биз анын ата-энеси менен бирге жашайбыз, жана мен алар менен тез тил табыштым. Керек болсо, аларга мага көнүү кыйын болду», — деди Эркинбекова.
Ал өзүнүн турмушка чыккандагы кызыктуу окуясын эске алды:
«Башында, мен турмушка чыккандан кийин, столдо кайнатам жана күйөөм азербайжан тилинде сүйлөшө башташты. Мен аларды түшүнбөй, ыйлап жибердим, анткени алар менин катышымдагы бир нерсени талкуулап жатышат деп ойлодум. Азыр бул мага күлкү тартуулайт, анткени алар жөн гана өз тилинде сүйлөшүп жатышты. Азыр мен азербайжан тилин жакшы түшүнөм, жана алар азыр мага сырдашууга мүмкүн эмес деп күлүшөт».
Асылай ошондой эле ашпозчулукка болгон сүйүүсүн белгиледи:
«Мен ар кандай тамак-аштарды жана десерттерди даярдоону жакшы көрөм. Менин кайнатам гүл сатуу менен алектенет жана мени ушул өнөргө үйрөтүп жатат, келечекте мен бул ишти улантам деп үмүттөнөт», — деп кошумчалады ал.
Жупта уулу жана кызы бар, жана алар келечекте ата-энесин Меккеге хаджга жиберүүнү, ошондой эле Азербайжанга барууну пландаштырууда.
