19-январда Кыргыз Республикасынын транспорт жана коммуникациялар министринин орун басары Алмаз Тургунбаев «Кытай – Кыргызстан - Өзбекстан» темир жолунун курулуш объектисинде инспекция өткөрдү. Өзүнүн визити учурунда ал ОсОО «Темир жол компаниясы «Кытай – Кыргызстан – Өзбекстан» биргелешкен компаниясынын административдик имаратынын курулуш процессине тааныш болду.
Ведомствонун маалыматы боюнча, текшерүүгө катышуучулар учурдагы курулуш иштерин анализдеп, долбоордук талаптарга ылайыктыгын, ошондой эле мөөнөттөрдү жана курулуш нормаларын сактоону текшеришти.
Текшерүүнүн жүрүшүндө коопсуздук маселелерине, инженердик тармактардын абалына жана курулуштун кийинки этабына өтүүгө даярдыкка өзгөчө көңүл бөлүндү.
Мындан тышкары, темир жол долбоору боюнча жумалык жумушчу топтун кезектеги жыйыны өтүп, учурдагы көйгөйлөр талкууланып, алардын чечүү жолдору иштелип чыкты.
