«Эмгекти коргоо» мыйзам долбоорун талкуулоодо Маматалиевдин кесиптеши, депутат Дастан Бекешев «Тазалык» кызматкерлеринин жолго чыгышын токтотуунун зарылдыгы жөнүндө пикир билдирди.
«Бул коопсуз эмес. XXI кылымда бизде заманбап техника бар. Кызматкерлерди жолго чыгаруу — бул туура эмес», — деп белгиледи ал.
Марлен Маматалиевдин пикири боюнча, «Тазалык» кызматкерлери жана жол жумушчулары түнкү убакта өз милдеттерин аткарышы керек.
«Күндуз жолдордо тыгындар пайда болуп, жабылып калат. Чет өлкөлөрдө мындай иштер түнкү убакта жүргүзүлөт. Мен эмне үчүн бизде бул убакта иштөөгө уруксат берилбегенин тактап баштаганда, эки эсе тариф төлөш керек экенин билдим. Бул мыйзамда жазылган. Сиздерге эмне тоскоол болуп жатат, тез арада өзгөртүүлөрдү киргизүүгө?» — деп суроо узатты ал.
Эмгек, социалдык камсыздоо жана миграция министринин орун басары Камчыбек Досматов министрлик бул маселени карап чыгарын жооп берди.
