Жогорку Кенештин жыйынында депутат Улукбек Карыбек уулу эмгек, социалдык камсыздандыруу жана миграция министринин биринчи орун басары Камчыбек Досматовго алыстан иштеген кызматкерлердин укуктарын коргоо боюнча чаралар тууралуу суроо берди.
Жооп катары Досматов акыркы убакта эмгек кодексине «алыстан иштөө» түшүнүгү киргизилгенин, бул кызматкерлер менен жумуш берүүчүлөр арасында тиешелүү эмгек келишимдерин түзүүгө мүмкүндүк берерин билдирди.
Министрдин орун басары 2004-жылы кабыл алынган эмгек кодекси жаңы кесиптерди жана иш формаларын, анын ичинде алыстан иштөөнү эске албаганын белгиледи.
Мындан тышкары, Карыбек уулу жумуш берүүчүлөрдүн тараптан бузулуулар болгон учурда кызматкерлердин укуктарын ким коргой турганын тактады. Досматов министрликтин алдында эмгекчилердин укуктарын коргоо кызматы иштеп жатканын жана ал сыяктуу учурлар менен алектенээрин түшүндүрдү.
