Курулушчу 200 миң сомго айыппулга жыгылды
Жалал-Абад облусунда зарыл уруксат документтери жок объекттин курулушу токтотулду.
Курулуш, архитектура жана ЖКК министрлигинин маалыматы боюнча, өлкөдө курулуш объекттерин текшерүү боюнча рейддер өткөрүлүүдө. Бул демилгени ишке ашыруу алкагында облустук архитектуралык-курулуш контролунун мамлекеттик департаменти Манас шаарында пландан тышкаркы текшерүү өткөрдү.
Текшерүүнүн жүрүшүндө ОсОО «МилДом» компаниясы Торговая көчөсү, 24 дарегинде талап кылынган уруксатсыз курулуш иштерин жүргүзүп жатканы аныкталды. Инспекциянын натыйжасында акт түзүлүп, аталган объекттеги курулуш токтотулду.
Мындан тышкары, компанияга 200 миң сомго айыппул салынды. Курулушчуга курулуш нормалары жана коопсуздук эрежелерин катуу сактоо зарылдыгы эскертилди.
Сүрөт www
