Циклдын негизги идеясы жана концепциясы сүрөттү жеке адамды, анын кадыр-баркын жана ички күчүн колдоонун каражаты катары карап чыгууда. Циклдын тематикасы туруктуулук, эмпатия, кабыл алуу жана үмүт сыяктуу түшүнүктөрдү камтыйт. Сүрөтчүлөр кризистерди жөн гана документтешкен жок, ошондой эле адамдарга өзүнүн баалуулугун кайрадан сезүүгө жардам берип, күнүмдүк турмуштан кооздукту таап, дүйнөгө жаңы көз караштарды сунуштап, татаал кырдаалдардан чыгуу жолдорун чыгармачылык менен түшүнүүгө аракет кылышты.
Алгачкы арт-сессия «Творчество жана айыктыруу» темасына арналат. Жыйындын жүрүшүндө биз мексикалык сүрөтчү Фрида Калонон чыгармачылыгына жана биографиясына таянып, сүрөттүн ооруларды жана жашоодогу кыйынчылыктарды жеңүүгө жардам берүүчү күч булагы боло алаарын талкуулайбыз.
Арт-сессиянын программасында мини-лекциялар, интерактивдүү элементтер жана талкуулар пландаштырылган.
Арт-сессияны искусствовед жана КНМИИнин жаш илим кызматкери Наргиз Сатаева өткөрөт. Сабактар кыргыз тилинде, 20 кишиден турган топтордо, алдын ала жазылуу боюнча өтөт. Ар бир сессиянын узактыгы 1,5 саатты түзөт.
