2-февралдан баштап республикада такси айдоочуларынын лицензияларынын болушун текшерүү максатында рейддер башталат. Укук коргоо органдары таксомотордук кызматтарды лицензиялоонун мыйзамдарын сактоону көзөмөлдөп, эрежелерди бузгандарды жоопкерчиликке тартат.
Бүгүнкү күндө өлкөдө 7 миңден ашык жеке такси айдоочулары жана 300дөн ашык таксопарктар лицензия алышкан.
ЖКБДД таксисттерге лицензияны акыркы учурга калтырбоону катуу сунуштайт. Документтерди белгиленген мөөнөттө даярдоо текшерүүлөр башталган соң айыппулдардан жана иштөө чектөөлөрүнөн качууга мүмкүнчүлүк берет.
Мындан тышкары, мурда Жогорку Кеңештин депутаты Дастан Бекешев таксомотордук ишмердүүлүктү лицензиялоонун мөөнөтүн алты айга узартуу боюнча өкмөткө сунуш киргизгенин белгилеп өтүү керек.
