СМИнын сүрөтү. Авианосец Abraham Lincoln
АКШнын Борбордук командованиеси авианосец Abraham Lincoln баштаган сокку уруучу топтун Жакын Чыгышка келгенин расмий түрдө тастыктады. Бул регионго жол алуу Азиянын түштүк-чыгыш жээгинен бир жумага жакын убакытты алды.
New York Times гезитинде жарыяланган маалыматка ылайык, Иранга сокку 48 сааттын ичинде урулушу мүмкүн.
Декабрдан бери Иранда масштабдуу нааразылык акциялары өтүп жатат. Дональд Трамп мурда нааразылык билдиргендерди колдоп, алардын күрөшүн улантууга чакырып, Иран бийликтерин демонстранттарга каршы репрессиялар уланса, аскердик кийлигишүү болушу мүмкүн экендиги тууралуу эскерткен.
АКШда жайгашкан HRANA аттуу бейөкмөт уюмдун маалыматына ылайык, нааразылык акцияларын басуу учурунда 3 090 адам өлгөн.
Акыркы маалыматтар боюнча, нааразылыктар 186 шаардагы 585 жерди камтып, кармалгандардын саны он миңдерден ашып кеткен.
Ирандын аба коргоо системасы жогорку даярдыкка келтирилди.
Эскерте кетсек, өлкөдө эки жумадан ашык убакыт интернет иштебей, бийлик мобилдик байланыштарды өчүргөн.
Экономикалык кыйынчылыктар жана жергиликтүү валютанын төмөндөшү менен байланышкан массалык нааразылык акциялары 2025-жылдын декабрь айынан бери уланууда.
