2025-жылы Нарын шаарында өнөр жай өндүрүшүнүн көлөмү 2 миллиард 42 миллион 800 миң сомду түзүп, өткөн жылга салыштырмалуу 112% өсүштү көрсөткөн.
Бул маалымат өткөн жылдын социалдык-экономикалык өнүгүүсүнүн жыйынтыктарына арналган жыйында сунушталды.
Өндүрүш структурасы тармактар боюнча:
Тамак-аш өнөр жайы — 78,7%;
Текстиль тармагы — 162,4%;
Пластикалык жана металл эмес буюмдардын өндүрүшү — 100,5%;
Ағаш иштетүү жана кагаз өнөр жайы — 103%.
Отчеттук мезгилде 867 тонна эт, 1743 тонна сүт жана 377 миң жумуртка өндүрүлгөн. Жыл ичинде өнөр жай секторуна 29 жаңы ишкана киргизилип, 216 жумушчу орун түзүлгөн. Бул ишканаларды ачууга жумшалган жалпы инвестициялар 60 миллион 150 миң сомду түзгөн.
Ошондой эле, 2025-жылы тартылган инвестициялардын көлөмү 426 миллион 935 миң сомго жетип, 2024-жылга салыштырмалуу 80 миллион 911 миң сомго көбөйгөнү маалымдалды.
