Анын маалыматына караганда, укук коргоо органдары жүргүзгөн текшерүү иштин токтотулушуна алып келген, бирок прокурор бул чечимдин чоо-жайын тактаган жок.
Эскерте кетсек, Жогорку Кеңешке кезексиз шайлоо 2025-жылдын 30-ноябрында өттү. Аталган № 13 округда табылган мыйзам бузууларга байланыштуу Борбордук шайлоо комиссиясы 3-декабрда добуш берүүнүн жыйынтыктарын жокко чыгарды. 35 шайлоо участкасында орнотулган видеокамералар агитаторлорго добуш берүү процессин көзөмөлдөөгө мүмкүндүк берип, бул коомчулукта тынчсызданууну жаратты.
Округда кийинки добуш берүү 1-мартка пландалган, ал эми агитация мезгили 9-февралда башталып, 28-февралга чейин уланат.
