
Бул завод кыргызстандыктар тарабынан түзүлгөн, дүйнөдөгү эң атаандаштыкка жөндөмдүү базарлардын биринде иштеп жаткан уникалдуу өндүрүш ишканасы болуп саналат.
Өндүрүш кубаттуулугу боюнча экскурсия учурунда Касымалиев, мындай заводдун ОАЭде ачылышы коммерциялык жетишкендик гана эмес, кыргыз бизнесинин жетилгендигинин жана ички стандарттардын жогорку деңгээлин көрсөтөт деп белгиледи. Завод заманбап бөтөлкө толтуруу линиялары жана көп баскычтуу тазалоо системалары менен жабдылган, бул күн сайын 50 миң бөтөлкө ичүүчү суу жана ичимдиктерди өндүрүүгө мүмкүнчүлүк берет. Продукция толугу менен Эмирликтерде белгиленген катуу санитардык жана тамак-аш стандарттарына жооп берет.
Касымалиев кыргыз компанияларынын ОАЭ рыногуна чыгышы жогорку деңгээлдеги профессионализмди жана стратегиялык мамилени талап кылат деп баса белгиледи. Ошондой эле, суу тазалоо боюнча заманбап технологияларды киргизүү жана эки өлкө ортосунда тажрыйба алмашуу мүмкүнчүлүктөрү талкууланды. Бул ишкананын негиздөөчүлөрү Кыргызстанда белгилүү, алардын компаниясы (ОсОО "НАК") "Crystal" бренди менен популярдуу бөтөлкөдөгү сууну өндүрөт.