«Учкун» аймагында делегация басма продукциясынын ар кандай түрлөрүн даярдоочу переплет жана офсет цехтеринин иши менен таанышышты. Кошумча, аларга акциздик маркалардын, мамлекеттик маанидеги документтердин, ошондой эле унаалар үчүн каттоочу номердик белгилердин өндүрүш процессин көрсөтүштү. Ошондой эле, отундун сапатын текшерүү жана маркалоо үчүн жабдуулар көрсөтүлдү.
Учурда компания мамлекеттик каттоочу номердик белгилерди, айдоочулук күбөлүктөрдү, ID-карталарды, окуу китептерин жана дипломдорду өндүрүүгө толугу менен жооп берет. Тажик делегациясынын кызыгуусун паспортторду жана башка документтерди даярдоо линиясы тартты.
Андан кийин делегация «Кызмат» мекемесине жөнөдү, ал жерде мекеменин өкүлдөрү өз кызматтары жана цифралдык инициативалары тууралуу айтып беришти.
2025-жылы «Кызмат» 3,9 миллионго жакын мамлекеттик кызматтарды көрсөттү, алардын ичинен 539 миңден ашыгы онлайн форматта жеткиликтүү болду.
Мекеме тарабынан ишке киргизилген жаңы кызматтардын арасында — ID-карталарды онлайн алмашуу, жашаган жери боюнча убактылуу каттоо, ошондой эле айдоочулук күбөлүктөрдү алыстан алмаштыруу, унааларды жана кыймылсыз мүлктү интернет аркылуу сатып алуу жана сатуу, ОСАГО түзүү жана жарандык абал актыларынын каттоосун электрондук түрдө алуу мүмкүнчүлүктөрү бар.
149 миңден ашык жаран айдоочулук күбөлүктөрүн алыстан алмаштыруу мүмкүнчүлүгүн пайдаланышты. Электрондук документ жүгүртүүгө өтүү жыл сайын 1 миллиард сомдон ашык бюджеттик каражаттарды үнөмдөөгө мүмкүндүк берет.
Президенттин иш башкармалыгынын жетекчиси Каныбек Туманбаев мекеменин мамлекеттик органдардын ишин оптимизациялоону улантып жатканын, жаңы онлайн кызматтарды киргизип, өлкөнүн цифралдык экосистемасын кеңейтүүдө экенин белгиледи.
Кохир Расулзода жасалган иштерди оң баалап, Кыргызстандын цифралдаштыруу тармагындагы тажрыйбасын үйрөнүүгө кызыгуусун билдирди.
Визит аяктагандан кийин тараптар өз ара кызыкчылыктар боюнча тажрыйба алмашууга даярдыктарын тастыкташты.
