Катышуучуларга куттуктоо сөзү менен Кыргыз Республикасынын Коргоо министри, генерал-майор Руслан Мукамбетов кайрылды. Ал мамлекет үчүн коргонуу жөндөмдүүлүгүн жогорулатуу жана армияны колдоо маселелери эң маанилүү экенин белгиледи.
Министр: "Мамлекет аскер кызматкерлеринин социалдык коргоосуна чоң көңүл бурат. Биз алардын турак жайы менен камсыз кылуу, заманбап инфраструктурасы бар аскер шаарчаларын куруу жана Мекенди коргоочулардын статусун жогорулатуу боюнча иштерди уланта беребиз", - деп баса белгиледи.
Иш-чаранын жүрүшүндө "Кыргыз Республикасынын Коргоо министрлигинин жеке курамынын сыйлануусу жөнүндө" майрамдык буйрук окулду. Кызматтык ишмердүүлүгүндөгү мыкты жетишкендиктери жана аскердик милдетин үлгүлүү аткарганы үчүн эң мыкты офицерлер жана жоокерлер ведомстволук медалдар жана ыраазычылык грамоталары менен сыйланды.
