Kloop адвокаты Нурбек Токтакунов Kaktus.mediaга билдиргендей, Жогорку соттун судьялары аппеляцияны тез арада четке каккан.
Эскерте кетсек, Октябрь райондук прокуратура Kloop media, Temirov Live жана "Айт айт десе" материалдарын, ошондой эле алардын жетекчилери Ринат Тухватшин жана Болот Темировду экстремисттик деп таануу боюнча сотко арыз берген. Бул чечим Мамлекеттик улуттук коопсуздук комитети (МУКК) тарабынан берилген материалдарга негизделген. Сот прокуратуранын бул арызын 2025-жылдын 27-октябрында канааттандырып, аталган басылмаларды экстремисттик деп тааныган.
Ошондой эле, Интерпол Кыргызстанга Kloopтун тең негиздөөчүсү Ринат Тухватшинди издөө боюнча берген арызын четке какканын белгилеп өтүү керек.
