Адылбек Касымалиев ошондой эле маданий мекемелердин автопаркынын көпчүлүк бөлүгү эскиргенин жана жаңыланууга муктаж экенин белгиледи. "Берилген унаалар сиздин ишиңизди жеңилдетет жана иш-аракетиңизге жаңы импульс берет. Бул машиналар элге кызмат кылып, маданияттын өнүгүшүнө жана улуттук баалуулуктарды сактоого жардам берет", - деди ал.
Өзүнүн сөзүнүн аягында премьер-министр өлкөдөгү экономикалык абалдын жакшыршы менен маданият тармагын каржылоонун да өсөөрүнө ишеним билдирди. Бирок ал маданий мекемелердин көбүрөөк кирешелүүлүккө умтулушу жана бул каржылоого өз салымдарын кошуусу керектигин, КР Маданият, маалымат жана жаштар саясаты министрлигине белгилүү тапшырмаларды коюу зарылдыгын баса белгиледи.
Сүрөт КР өкмөтүнүн сайтынан.
