Иш-чара Ички иштер министрлигинин Жол кыймылынын коопсуздугун камсыздоо башкы башкармалыгы, патрулдук кызмат, шаардык мэрия, Саламаттык сактоо министрлиги, ДУМК жана активисттер менен студенттердин катышуусунда уюштурулду. Жол кыймылынын коопсуздугун камсыздоо боюнча мамлекеттик программаларды ишке ашыруунун негизги аспектилери талкууланды. Эң негизги көңүл кооптуу аймактардагы инфраструктураны жакшыртууга, жол белгилерин орнотууга, көчө жарыгын камсыздоого жана жөө адамдар үчүн зоналарды түзүүгө бурулду.
ГУОБДДнын маалыматы боюнча, өткөн жылы өлкөдө 2 217 жол кырсыгы болуп, ага балдар катышкан. Бул кырсыктардан 121 бала каза болуп, 2 569 жашы жете элек адам ар кандай деңгээлдеги жаракаттарды алышкан.
