Спецслужба коррупция схемасын ачыктады
Баткен облусунда автошколаларга курсанттарды мыйзамсыз кабыл алуу менен байланышкан коррупция схемасы аныкталды, деп билдирет ГКНБнын маалымат кызматы.
Комитет тарабынан берилген маалыматка ылайык, автошколалардын айрым жетекчилери уюшкан схемага катышкан, анын алкагында жарандарды курстарга кабыл алуу жүргүзүлгөн, алар Кыргыз Республикасында болбогондугуна карабастан. Кабыл алу дистанциялык негизде, чыныгы сабактарды өткөрбөстөн, ошондой эле окуу курсу боюнча жасалма документтерди түзүү менен жүргүзүлгөн.
«Бул механизмдин натыйжасында, жол кыймылынын эрежелери жана унаа айдоо боюнча көндүмдөрү жок адамдар формалдуу "окуу" аяктагандан кийин Кыргыз Республикасына кайтып келишет. Алар курсту аяктагандыгы тууралуу сертификаттарды алышат жана коррупцияланган кызматкерлердин жардамы менен экзамендерди ийгиликтүү тапшырып, айдоочулук күбөлүктөрүн алышат», - деп түшүндүрүштү ГКНБда.
Текшерүү учурунда жеринде тинтүү жүргүзүлүп, тергөө маалыматтарын тастыктаган далилдер жыйналды. Кылмыш иши уланууда, ошондой эле ушул схема боюнча берилген айдоочулук күбөлүктөрүн жок кылуу боюнча чаралар көрүлүүдө.
Сүрөт www
