Бул маалымат МУККнын басма сөз кызматы тарабынан берилди.
Ведомствонун маалыматына ылайык, кармалган «А.А.Т.» мыйзамсыз насыя берүү менен алектенген, негизинен, кыйын финансылык абалда калган адамдарга насыя берип, кыймылсыз мүлктүн кепилдигинен чоң киреше тапкан.
Жүргүзүлгөн тинтүү учурунда ондон ашык кыймылсыз мүлккө тиешелүү документтер, ошондой эле мыйзам бузуу менен сакталган «Байкал» маркасындагы тегерек мылтык жана ок-дарылар алынган.
Кармалган адам Кыргызстандын МУККсынын тергөө изоляторуна жайгаштырылды.
«Учурда бардык жагдайларды жана мүмкүн болгон кылмышкерлерди аныктоого багытталган тергөө иш-чаралары жүргүзүлүүдө», - деп билдирилди расмий билдирүүдө.
