Маалыматка ылайык, 2026-жылдын 11-февралында Ысык-Ата районунун ички иштер бөлүмүнө Новопокровка айылында наркотиктерди сактоо жана таратуу мүмкүнчүлүгү тууралуу маалымат түшкөн. Тергөө тобу көрсөтүлгөн дарекке жөнөп, алынган маалыматтар тастыкталган.
Оперативдик иш-чараларды жүргүзүү учурунда болжол менен 13:30да жаш жигит кармалган. Жеке текшерүү учурунда анын колунда пакеттерге салынган жана изоляция лентасы менен оролгон ак порошок табылган.
Шектүү Кыргыз Республикасынын Кылмыш-процессуалдык кодексинин 96-беренесине ылайык убактылуу кармоо жайына жайгаштырылды. Учурда иштин бардык жагдайларын жана мүмкүн болгон катышуучуларды аныктоого багытталган тергөө иштери жүргүзүлүүдө. Тергөө уланууда.
