Комитеттин адистери текшерүү жүргүзүп, бул мекемелерде кабыл алынган дарылоо ыкмаларынын мыйзамсыз экенин аныкташты.
МУККнын маалыматы боюнча, мекемелердин айрым кызматкерлери жана жетекчилери бейтаптарга карата зомбулук колдонушкан. Бул физикалык күч колдонуу, электрошокерлерди пайдалануу, адамдарды отургучтарга жана төшөктөргө байлоо, ошондой эле аларды изоляцияланган бөлмөлөргө жайгаштырууну камтыйт. Мындай аракеттердин натыйжасында жабыркагандар физикалык жана психологиялык жаракаттарды алышкан.
Мындан тышкары, борборлордо бейтаптарды дарылоодо колдонулган тыюу салынган күчтүү психотроптук заттар табылып, алынган.
Оперативдик иш-чаралардын жүрүшүндө борборлордун жетекчилери жана кызматкерлерин кошо алганда жети адам кармалды: Э. у. Ч., К.К.Б., Р.Ф.С., Ж.А.Ж., К.Е., Р.В.Г. жана М.А.А. Алардын бардыгы соттун чечими менен камакка алынды.
Кийинки иликтөө процессинде «Бишкек-Маяк» реабилитациялык борборунда дарыланган бейтаптардын эки адамдын өлүмү аныкталды.
Учурда МУКК бардык жагдайларды аныктоо үчүн зарыл оперативдик-издөө иш-чараларын жүргүзүүдө. Иликтөө аяктагандан кийин тиешелүү юридикалык баа берилет.
