Операциянын алкагында региондо иштеп жаткан чет элдиктер текшерилди. Полиция бул жарандардын документтерин жана Кыргызстандын аймагында болушунун мыйзамдуулугун текшерди.
Ошондой эле Кытай — Кыргызстан — Өзбекстан темир жолун куруу боюнча иштеген чет элдик жумушчулар арасында түшүндүрүү иштери жүргүзүлдү. Алардын кээ бирлери идентификация жана каттоо үчүн райондук ички иштер бөлүмүнө жеткирилди.
Профилактикалык чаралардын алкагында каттоодо турган жарандар текшерилди: мурда соттолгондор, пробациялык контролдо турган адамдар, үй-бүлөлүк зомбулук фактылары боюнча катталган, ошондой эле алкоголизм жана психикалык оорулардан жабыркагандар, огнестрелдик куралдын ээси болгон адамдар.
Полиция көп кабаттуу үйлөрдүн подвалдарын жана чатырларын, мечиттерди жана намаз окуу бөлмөлөрүн текшерди. Кечки сааттарда билим берүү мекемелеринин жана социалдык кызматтардын өкүлдөрүнүн катышуусунда түнкү патрулдар уюштурулду.
УВДда мындай рейддер кылмыштуулукту алдын алуу, мыйзамсыз миграция менен күрөшүү жана коомдук тартипти камсыз кылууга багытталгандыгын белгилешти. Бул багытта иштер улантылат.
