Жаңы технологияларды колдонуп, жосунсуз адамдар белгилүү адамдардын, анын ичинде президенттин, атынан жалган видео кайрылууларды түзүшөт. Бул материалдар көбүнчө жасалма интеллекттин жардамы менен өндүрүлөт.
«Мындай видеолордун негизги максаты — адамдарды адаштыруу, ишенимди утуп алуу жана аларды акча которууга же жеке маалыматтарды ачууга мажбурлоо», — деп билдиришти милиция өкүлдөрү.
Жогоруда айтылганга байланыштуу, ИИМ катуу сунуштайт:
- шектүү жана тааныш эмес булактардан келген видеолорго ишенбөө;
- маалыматты мамлекеттик мекемелердин расмий каналдары аркылуу гана текшерүү;
- шектүү шилтемелерге өтүүдөн качуу;
- интернет-видеокайрылууларга негизделип акча жөнөтпөө жана жеке маалыматтарды бөлүшпөө.
