Бишкек ШИИБи билдиргендей, Х. М. милицияга кайрылып, У. Т. аттуу адам анын ишенимин утуп алып, М. Горький көчөсүндөгү турак жай комплексинин биринен батир сатып алуу шылтоосу менен $284 267 акчасын алдап алып кеткенин билдирген. Ал акча азырынча кайтарылган жок.
Бул окуянын натыйжасында кылмыш иши козголуп, укук коргоо органдары 1980-жылы туулган У. Т.ны кармашты. Ал убактылуу кармоо жайына жайгаштырылды. Учурда анын башка окшош кылмыштар менен байланышы такталууда.
ГУВД кармалган адам же анын аракеттеринен жабыркагандар тууралуу маалыматка ээ жарандарды 0554 11 03 14 же 102 номерлерине чалууга чакырат.
