Ички иштер министрлигинин маалыматы боюнча, Бишкекте 1971-жылы туулган С. Л. аттуу жаран кармалды. Ал Казакстандын укук коргоо органдары тарабынан уюшкан кылмыштуу топ түзүү, алдамчылык жана ири уурдоолор боюнча издөөдө болгон. Зыяндын суммасы 183,6 миллион теңгени (32,6 миллион сомго барабар) түзөт.
Чолпон-Ата шаарында 1980-жылы туулган Д. К. кармалды, ал дагы ири өлчөмдөгү алдамчылык үчүн издөөдө болгон. Ал башка атка берилген Кыргызстан жарандыгынын паспортуна ээ болгондугу аныкталды, анын кылмыш аракеттеринин суммасы 8 346 000 орус рубли (же 9,3 миллион сом) түзгөн.
Ички иштер министрлиги паспортту алуу мыйзамдуулугун тиешелүү органдар тарабынан текшерилерин белгилейт.Мындан тышкары, Бишкекте 1986-жылы туулган О. Ч. кармалды, ал дагы Түркиянын укук коргоо органдары тарабынан алдамчылык, курал колдонуу менен коркутуу жана дене жаракаттарын келтирүү боюнча эл аралык издөөдө болгон.
