Алдын ала маалыматка ылайык, кыргызстандыктар арасында Испанияда болгон темир жол кырсыгынан каза болгондор же жаракат алгандар жок. Бул тууралуу Кыргыз Республикасынын Тышкы иштер министрлиги жергиликтүү бийликтин маалыматына таянып расмий түрдө билдирди.
Министрликтен билдиришкендей, Кыргыз Республикасынын жарандарынын элчиликтен жардам сурап кайрылуулары болгон эмес.
ТИМ жана Кыргыз Республикасынын Франциядагы элчилиги испан бийликтери менен байланышта болуп, кырдаалдын өнүгүшүн жакындан көзөмөлдөп жатышат.
Эскерте кетсек, 2026-жылдын 18-январында Испаниянын түштүгүндө, Адамус айылына жакын жерде темир жол кырсыгы болуп, анын натыйжасында 39 адамдан кем эмес каза болуп, 120дан ашык адам жаракат алган.
