Reuters агенттигине берген интервьюсунда ал өлкө энергетикалык инфраструктуранын бузулушу себептүү гуманитардык кризистин алдында турганын билдирди.
СМИнин сүрөтү. Киев жарыктан ажыратылган
Тимченконун айтымында, электр станциялары, газ транспорттук жана газ өндүрүү инфраструктурасы сыяктуу энергетикалык объектилер чоң зыянга учураган. ДТЭК 60тан 70 пайызга чейин генерациялык кубаттуулугун жоготуп, жүздөгөн миллион долларлык зыянга учураган.
Эң көп жабыркаган аймактар Киев жана өлкөнүн борбордук райондору болду, деп белгиледи ал.
Адамдар күнүнө болгону 3-4 саат электр энергиясын алышат, ал эми калган убакытта 10-15 саат бою жарыктан ажыратылган. Кээ бир үйлөрдө жылуулук бир нече жума бою жок, деп айтып берди агенттиктин сүйлөшкөн адамы.
Абал суук менен курчуп жатат: Украинада акыркы эки жумада температура −15тен −20 градуска чейин өзгөрүп турат.
