2025-жылдын 26-декабрында Москва районунун Ички иштер бөлүмүнө жергиликтүү тургун И.Э., 1989-жылы туулган, жамааттык арыз менен кайрылган. Ал 2024-жылдан бери Г.А. аттуу жаран 25-30 жумушчуну ГЭСтин курулушунда бетон иштерин аткарууга тартканын билдирген. Бирок өткөн жылдын декабрь айына белгиленген 50-60 миң сом айлык азырынча төлөнгөн жок.
Чүй облусунун Ички иштер башкармалыгынын сүрөтү
Бул факт боюнча Кыргыз Республикасынын Кылмыш-жаза кодексинин 209-беренеси «Алдамчылык» боюнча кылмыш иши козголду.
Тергөөнүн жүрүшүндө Г.А., 1993-жылы туулган, «А.Г.Э.» компаниясы менен оозеки макулдашуу боюнча субподрядчы катары иш алып баргандыгы аныкталды. Бетон иштеринин баасы кубометр үчүн 5 миң 500 сомду түзгөн. Бул жеке ишкер өз бизнесин аялынын атына каттатып алган.
Курулушта 100дөн ашык жергиликтүү тургундар иштеп, аларга саатына 200 сом төлөнгөн. Бирок 2025-жылдын ноябрынан 8-декабрына чейин 25 жумушчуга айлык берилген эмес.
Тергөөнүн жыйынтыгы боюнча көрсөтүлгөн мезгил ичинде 7 миң 200 кубометр бетон иштери жана башка курулуш иштеринин түрлөрү аткарылганы аныкталды. «А.Г.Э.» компаниясынан Г.А. алган жалпы сумма 43 миллион 446 миң 878 сомду түзүп, анын ичинен 3 миллион 115 миң сом салык катары төлөнгөн.
Г.А. Кыргыз Республикасынын Кылмыш-процессуалдык кодексинин 96-беренесине ылайык кармалып, убактылуу кармоо жайына жайгаштырылды.
Тергөөнүн жүрүшү уланууда.
