Максат Алимов улуттук футзал командасындагы карьерасын жыйынтыктаганын жарыялады. Бул маалымат Кыргыз футбол союзу (КФС) тарабынан тастыкталды.
Темага байланыштуу окуңуз
Азия кубогу боюнча футзал. Кыргызстан командасы Корея командасын жеңди
КФСтин маалыматына ылайык, Алимовдун командадагы акыркы оюну 2026-жылдагы Азия кубогунун топтук этабында Түштүк Корея командасына каршы болду.
Максат улуттук командадагы карьерасын 2013-жылы Азия кубогуна квалификациялык оюндарга катышуу менен баштаган. Ошондон бери анын аты кыргыз футзалынын тарыхында ажырагыс бөлүк болуп калды.
Ал беш Азия кубогунда катышып, 2018-жылдан 2025-жылга чейин команда капитаны болуп, көптөгөн маанилүү голдорду киргизип, чыныгы лидер болуп, досторун жеңишке шыктандырып келген, — деп белгиленет КФСтин билдирүүсүндө.
КФС Максат Алимовго Кыргызстанда футзалды өнүктүрүүгө кошкон маанилүү салымы үчүн ыраазычылык билдирди.
