Кыргызстанда 31-августтан 6-сентябрга чейин Бишкек жана Ысык-Көлдө өтө турган VI Дүйнөлүк кочмолор оюндары үчүн волонтерлордун кабыл алынышы башталды. Уюштуруучулар волонтерлордун иш-чараны ийгиликтүү өткөрүүдө маанилүү роль ойнорун баса белгилешет.
Иш-чарада логистика, конокторду тосуп алуу, мелдештерди координациялоо жана оюндарды өткөрүүнүн башка аспекттери менен алектенүүчү 1000ден ашык волонтерлордун командасы түзүлөт.
Волонтерлорду тандоо процесси эки баскычтуу болот: биринчи кезекте сайтта онлайн каттоодон өтүү зарыл, андан кийин биринчи этапты ийгиликтүү аяктаган адамдар үчүн интервью өткөрүлөт. Тандалган талапкерлер үчүн окутуу программалары, тренингдер жана даярдык лагерлери каралган.
Арыздар 3-мартка чейин, 18:00гө чейин кабыл алынат. Уюштуруучулар бардык каалагандарды өлкөдөгү бул маанилүү эл аралык окуянын бир бөлүгү болууга чакырышат.
