Reuters маалыматтарына ылайык, штаттын өрт кызматына шилтеме берип, Жуиз-де-Фора жана Уба шаарларынан 3,6 миңден ашык адам үйлөрүн таштап кетүүгө мажбур болушкан.
Жуиз-де-Фора администрациясы суу ташкынына дуушар болгон райондордун тургундарын эвакуациялоого чакырды. Жарандар жергиликтүү бийликтер тарабынан уюштурулган убактылуу башпааналарга барууга сунушталды. Окуяга жооп катары Бразилиянын федералдык өкмөтү регионго жардам көрсөтүүнү тездетип, медициналык адистерди жана улуттук коргонуу кызматкерлерин жөнөттү.
25-февралда Бразилиянын расмий өкүлдөрү күчтүү жамгырлардын кесепетинен 30 адамдын өлгөнү жана 440 жарандын эвакуацияланганын билдиришкен. Бразилияда декабрдан мартка чейин жыл сайын жамгыр мезгили болот, ал жыш жамгырлар, суу ташкындары жана жер көчкү менен мүнөздөлөт. Бирок 2026-жылдын февралында түштүк жана чыгыш штаттарда жаан-чачындын деңгээли орточо нормадан ашып, Жуиз-де-Фора өз тарыхындагы эң жамгырлуу айды каттаган.
