Instagram ата-энелерди, эгер алардын балдары өзүнө-өзү кол салуу тууралуу маалыматты көп жолу издеп жатса, кабардар кыла баштайт, деп билдирет Reuters.
Компаниядан такталгандай, «ата-эненин көзөмөлү» функциясын «Семейный центр» бөлүмүндө активдештирген ата-энелер гана мындай кабарларды алышат. 16 жашка чейинки колдонуучулар үчүн, бул опцияны включиткен болсо, аккаунттун маанилүү жөндөөлөрүн өзгөртүү мүмкүнчүлүгү ата-энелердин уруксаты менен гана жеткиликтүү. Мындан тышкары, ата-энелер, балдарынын макулдугу менен, алардын активдүүлүк убактысын көзөмөлдөп, чектөөлөрдү орнотуп, кээ бир жөндөөлөрдү башкарууга мүмкүнчүлүк алышат. Эгер система өспүрүмдүн өзүнө-өзү кол салуу же өзүн жаракаттоо материалдарын көп издеп жатканын аныктап калса, ата-энелерге кабар жиберилет.
Бул функция биринчи кезекте АКШ, Улуу Британия, Австралия жана Канада сыяктуу өлкөлөрдө тестирленет, андан кийин башка региондорго кеңейтилүүсү мүмкүн.
Бул функциянын киргизилиши, бир катар өлкөлөрдө социалдык тармактардагы өспүрүмдөр үчүн чектөөлөрдү талкуулоого жооп катары пайда болду. Мисалы, Австралия 16 жашка чейинки балдар үчүн мындай платформаларга кирүүнү тыюу салды, ал эми Улуу Британия ушундай эле чараларды карап жатат. Греция жана Словения да ушундай чектөөлөрдү киргизүүнүн мүмкүнчүлүгүн изилдеп жатышат. Испаниянын Премьер-министри Педро Санчес өлкөнүн 16 жашка чейинки балдар үчүн социалдык тармактарга кирүүнү тыюу пландары жөнүндө билдирди.
