Маалыматка ылайык, Талас облусунда медицинада кадр жетишсиздигин чечүү максатында, аймактын башчысы Эрмат Жумаевдин демилгеси менен 2025-жылдын сентябрынан тарта бул аймакка келген 18 дарыгер жана 15 ординатор туруктуу режимде иштеп жатат.
Медициналык кызматкерлерди колдоо үчүн фонддордун бири ай сайын кошумча үстөк төлөмдөрдү берүү боюнча келишимге кол койду. Учурда адистер бул төлөмдөрдү ар бир иштеген ай үчүн толук көлөмдө алышууда.
Атап айтканда, жүктөмгө жараша, дарыгерлер 40 миң сомго чейин, ал эми ординаторлор 12 миң сом алышат.
Дарыгерлер менен болгон жолугушууда аймактын башчысы иштеп жаткан адистерге толук колдоо көрсөтүлөрүн баса белгиледи. Президенттин өкүлү кошумча төлөмдөр үзгүлтүксүз улантыларын билдирди.
