Керималиева инвестициянын көлөмүнүн өсүшү ички каржылоо булактарынын 14,8%га, ошондой эле тышкы булактардын 1,6 эсе көбөйүшү менен мүмкүн болгонун белгиледи.
«Жалпы инвестициянын болжол менен 90%ы январь айында суу менен камсыздоо, калдыктарды тазалоо жана кайра иштетүү, экинчи ресурстарды алуу, ошондой эле электр энергиясы, газ жана буу менен камсыздоого байланыштуу объектилерди курууга жумшалган. Мындан тышкары, каражаттар кайра иштетүү өндүрүшүнө, билим берүү мекемелерине, мейманканаларга, ресторандарга жана турак жай курулушуна салынган», - деп кошумчалады ал.
Маалымат: Негизги капиталга болгон инвестициялар Улуттук статистика комитетинин методологиясына ылайык, негизги фонддорду түзүү, калыбына келтирүү жана сатып алуу чыгымдарын камтыйт.
Мындан тышкары, алдын ала маалыматтар боюнча, 2025-жылдын январь айынан декабрь айына чейин өлкөнүн тышкы экономикалык айланышы 15,8 миллиард долларды түзүп, 2024-жылдын ошол эле мезгилине салыштырмалуу 10,2%га төмөндөгөн.
Ошол эле учурда экспорт 44,5%га төмөндөгөн, ал эми импорт 3,9%га жогорулаганын Керималиева билдирди.
