Жыйындынын негизги темасы борбордун муниципалдык базарлары тарабынан колдонулган жер тилкелери үчүн ижара акысынын көтөрүлүшүн талкуулоо болду.
Муниципалдык ишкананын «Шаардык жол-транспорт инфраструктурасы» директорунун орун басары Съездбек Сарыбаев ижара акысы квадрат метр үчүн 23 сомго көтөрүлүшү тууралуу чечим кабыл алынганын билдирди.
Жыйында БГКнын депутаты Айдар Суракматов «Оберон» базарында кредиттик милдеттенмелер барбы жана кандай өлчөмдө экенин сурады. Сарыбаев базар 2026-жылдын августуна чейин 93 миллион сом төлөшү керектигин, бул кредит боюнча калган сумма экенин тастыктады.
Ошондой эле депутат ишкананын ай сайын төлөмдөрүнүн өлчөмүн сурады. «Бул болжол менен 12 миллион сом», — деп жооп берди Сарыбаев.
Суракматов соода жайлары үчүн ижара акысынын көтөрүлүшүнүн себептери боюнча түшүндүрмө берүүнү талап кылды. Муниципалдык ишкананын өкүлү мындай чечим келишимдик мамилелердин алкагында жана жер тилкелери пайдаланучуларынын макулдугу менен кабыл алынганын түшүндүрдү.
