Жыйында сүйлөгөн сөзүндө, Кулубаев өлкөнүн экономикасынын учурдагы абалы тууралуу маалымат бөлүшүп, 2025-жылдын жыйынтыгы боюнча ички дүң продукциянын 11,1% өсүшү күтүлүп жатканын белгиледи.
Сырткы иштер министри Улуу Британия менен өнөктөштүктү бекемдөөнүн маанилүүлүгүнө көңүл бурду.
Бул контекстте ал консалтинг, өндүрүш, табигый ресурстар, банктык тармак жана еврооблигациялар чыгаруу сыяктуу тармактардагы ийгиликтүү кызматташтыкты белгиледи. Мындан тышкары, ал энергетика, транспорт, логистика, маалымат технологиялары, айыл чарба жана туризм, анын ичинде заманбап тоо-шаңгы курортторун курууну, келечектеги өз ара аракеттенүү үчүн приоритеттүү багыттар катары карап чыгууга сунуш кылды.
Министр Кыргыз Республикасынын британ бизнесмендери үчүн ишенимдүү жана туруктуу өнөктөш болууга даяр экенин билдирди.
Жооп катары британ тарап Кыргызстанды башка чет өлкөлүк компанияларга жана бизнес чөйрөлөрүнө инвестициялоо үчүн ишенимдүү жана келечектүү багыт катары сунуштоого даяр экенин билдирди.
