Салыштыруу үчүн, 2024-жылы инвестициялардын өсүшү кыйла жогору болуп, 36,3 % түзгөн.
2025-жылы инвестициялардын көлөмүнүн 2024-жылга салыштырмалуу өсүшү ички финансылык булактарды 9,0 %га жана тышкы булактарды 1,8 эсе көбөйтүүнүн натыйжасында мүмкүн болду. Айрыкча, республикалык бюджеттен келген инвестициялар 42,7 %га көбөйүп, 90,3 млрд сомду түздү.
2025-жылдын январь айынан декабрь айына чейин болгон инвестициялардын көбү, тактап айтканда, жалпы көлөмдүн 85 %ы транспорттук ишмердүүлүк жана жүк сактоо, пайдалы казындыларды казып алуу, ошондой эле электр энергиясы, газ, буу жана кондицияланган аба, кайра иштетүү өндүрүштөрү, билим берүү жана турак жай курулушуна багытталган.
Отчеттук мезгилде экономиканын капитализациясынын негизги драйвери бир нече факторлор болду. Айрыкча, «Менин үйүм» программасынын алкагында турак жай курулушунун көлөмүнүн кыйла көбөйүшү байкалууда, бул программа боюнча 2025-жылы 4 662 батир курулуп бүткөрүлгөн. Мындан тышкары, Бишкек жана Ош шаарларынын инфраструктурасын өнүктүрүүгө, спорттук объектилерди курууга жана туристтик инфраструктураны өнүктүрүүгө болгон капиталдык салымдар да көбөйдү.
Отчеттук мезгилде 53 жалпы билим берүү мектеби 11 788,6 млн сомго, 10 ооруканасы 1 893,1 млн сомго, 32 амбулатордук-клиникалык мекемеси 520,8 млн сомго жана 43 бала бакчасы 4 136,9 млн сомго курулуп, пайдаланууга берилди.
Экономиканын капитализациясынын өсүшүн эске алуу менен, 2025-жылдын январь-декабрь айларында курулуштун жалпы валдык продукциясынын көлөмү 438,5 млрд сомду түзүп, бул өткөн жылга салыштырганда 21,1 %га жогору. Салыштыруу үчүн, 2024-жылы бул көрсөткүч 28,7 %га өскөн.
2025-жылы курулуш секторунун жалпы ички продуктуну түзүүгө кошкон салымы 1,62 пайыздык пунктка бааланууда, ал эми курулуштун жалпы ИДПдагы үлүшү 8,7 %ды түздү.
