Кыргызстандын экономика жана соода министри Бакыт Сыдыков Дүйнөлүк банктын Борбордук Азия боюнча регионалдык директору Наджи Бенхассин менен жолугушуу өткөрдү. Жолугушуунун жүрүшүндө тараптар Кыргызстан менен Дүйнөлүк банк ортосундагы кызматташуу маселелерин талкуулашты.
Жолугушуу учурунда министр өлкөнүн экономикасынын учурдагы абалы тууралуу маалымат бөлүшүп, акыркы жылдары негизги секторлорду өнүктүрүүгө комплекстүү мамиле жасоонун натыйжасында туруктуу өсүш байкалганын белгиледи.
Ошондой эле, эл аралык өнөктөш тарабынан каржыланган учурдагы долбоорлорго жана өз ара байланыштарды бекемдөө үчүн кийинки кадамдарга өзгөчө көңүл бурулду.
Наджи Бенхассин Дүйнөлүк банктын кызматташууга даярдыгын тастыктап, Кыргызстандагы экономикалык өсүштүн оң динамикасына көңүл бурду.
Жолугушуунун жыйынтыгы менен эки тарап мурда жетишилген макулдашууларды аткаруу боюнча иштерин улантууга ниеттенгенин билдиришти.
