Анын айтымында, акыркы жылдары дүйнөдө электромобилдердин өндүрүшү 2–3 эсе өскөн, жана республикада да ушундай өзгөрүүлөр байкалууда.
«Электромобилдердин негизги артыкчылыгы — эксплуатациянын төмөнкү баасы, электр энергиясы бензин жана мунай продуктылары сыяктуу традициялык отун түрлөрүнө караганда арзан», — деп баса белгиледи ал.
Слем уулу экологиялык артыкчылыктарды да белгиледи. Ал электр энергиясы таза энергия булагы экенин, электр транспорту өнүгүүсү атмосферага зыяндуу бөлүкчөлөрдүн чыгарылышын азайтууга жардам берерин айтты.
Мындан тышкары, ал Кыргызстандын гидроэнергетикалык потенциалынын чоңдугуна көңүл бурду, бул өлкөгө электр энергиясына болгон муктаждыктарын толугу менен камсыз кылууга жана отун импортуна болгон көз карандылыгын азайтууга мүмкүнчүлүк берет.
«Биз электр энергиясын өз алдынча өндүрүүгө жана аны транспорт муктаждыктарына пайдаланууга жөндөмдүүбүз. Бул биздин энергетикалык коопсуздугубуздун маселеси», — деп кошумчалады ал.
