Транспорт жана байланыш министринин орун басары Улукбек Жанибеков бул маселе боюнча маалымат берди.
Анын айтымында, мыйзам долбоорунун негизги максаты — Кыргызстан менен коңшу мамлекеттер ортосундагы транспорттук инфраструктураны жакшыртуу, Нарын дарыясы аркылуу көпүрөнү реконструкциялоо аркылуу, бул транспорттун үзгүлтүксүз жана коопсуз жүрүшүн камсыздайт.
«Көпүрөнүн курулушу Жалал-Абад облусунун Токтогул районунда Бишкек–Ош авто жолунун 315-километри боюнча өтөт. Япония өкмөтү «Бишкек-Ош авто жолунда Нарын дарыясы аркылуу көпүрөнү реконструкциялоо» долбоору үчүн 3 млрд 190 млн йен, бул 20 млн 416 миң 639 АКШ долларына барабар грант бөлөт», - деп кошумчалады докладчы.
