Туманбаевдын айтымында, эми жарандар каттоо процессин алыстан өтө алышат, бул аларды узун кезектерде туруштан куткарат. Мындан тышкары, документтерди жана номердик белгилерди түздөн-түз үйгө жеткирүү боюнча жаңы кызмат жеткиликтүү болот.
«1-апрелден баштап, сиздер мамлекеттик номердик белгилерди жана техникалык паспортту алуу үчүн «Унаа» мекемесине гана келишиңиздер керек. Учурда «бирдиктүү терезе» принциби иштөөдө», — деди ал мекеменин конокторуна кайрылып.
Мындан тышкары, Туманбаев жаңы имараттын курулушунун жүрүшү менен таанышып, каржылоого байланыштуу бардык маселелерди чечүүнү тапшырды. Ал ошондой эле, объект быйыл эле бүткөрүлүп, пайдаланууга берилерин баса белгиледи.
