Сауд Аравиясында туруктуу негизде 1 миңден ашык Кыргызстандын жарандары жашайт, алардын арасында негизинен эмгек мигранттары жана студенттер бар. Бул маалымат Кыргызстандын консулу Нурсултан Орунбаев тарабынан онлайн брифинг учурунда айтылды.
Анын маалыматы боюнча, умра үчүн келген кыргызстандыктардын саны 5 миңден ашып кеткен. Учурда консулдукка жарандарыбызды эвакуациялоо боюнча эч кандай суроолор келип түшкөн жок.
Консул кошумчалады, зыяратчылар негизинен Жидда, Мекке жана Медина шаарларында жайгашкан. Алар үчүн атайын штаб уюштурулган, муфтият жана умрага жөнөткөн туристтик компаниялар менен тыгыз байланышта.
Ал ошондой эле Сауд Аравиясында абал туруктуу экенин белгиледи. Учак каттамдары ачык болсо да, кээ бир эл аралык авиакомпаниялар убактылуу каттамдарын токтотушту. Меккеде 6 миңден ашык кыргызстандык, кичи хаджга (умрага) катышып жатканы тууралуу мурда маалымдалган.
